Tira n tenzeght "ed"

Voir le sujet précédent Voir le sujet suivant Aller en bas

Tira n tenzeght "ed"

Message  Iles Ilelli le Mer 27 Mai - 15:03

Sslam n Ṛebbi fell-awen,

Tagara-a, ladγa seg 2007, qqlen kra n yimaslaḍen (membres) n tiddukla n Imedyazen ttarun tanzeγt "d" s tmerniwt n yilem "e".

Dγa imir-a, nettaru : Tamγart ed yelli-s (ur "tamγar d yelli-s").

Ay-n ay aγ-yejjan ad neg afran-a netta d ugur ay izemren ad yili gar n :

"d", tanzeγt (préposition) : baba d yemma (= baba akked yemma)

akked :

"d", tazelγa n tilawt (particule prédicative): baba d aselmad (= baba leqdic-nnes d aselmad)

Yuγ lḥal, s umata, nezmer ad neεqel "d" mi ara yili d tanzeγt neγ d tazelγa n tilawt s waddad amaruz (état d'annexion), imi isem amaziγ ay yesεan tiγri n tezwara (voyelle initiale), yetteqqal, s umata, deg waddad amaruz, mi ara d-yezg sdeffir tenzeγt:

Baba d uselmad (= baba akked uselmad) - Da, "d" d tanzeγt.

Baba d aselmad (= baba, leqdic-nnes d aselmad) - Da, "d" d tazelγa n tilawt.

D acu kan, ugur yettban-d deg wawalen-nni ur nettwaεqal mi ara ilin deg waddad amaruz, ama d awalen imaziγen neγ d wid ay d-yekkan seg yilsawen niḍen:

Tamemt d sskeṛ - D acu d-neqsed da ? 1- Tamemt akked sskeṛ ?
neγ
2- Tamemt d nettat ay d sskeṛ ?

Yerna imedyaten (lemtul) ay izemren ad sεerqen anamek (lmeεna) ggten !

Γef way-a ay nxemmem, nenna-as ur yelli uγilif ma nura tanzeγt "d" s "ed", akk-n ad tt-nessemgerrad γef tzelγa n tilawt "d".

Adlis aneggaru ay d-yeffγen deg tiddukla-nneγ, "Ger zik ed tura", d ammud n tullisin (nouvelles) ay d-yura Said Chemakh, yiwen seg yimaslaḍen (membres) iqburen akk n tiddukla tadelsant Imedyazen, yerna d wa ay d adlis amezwaru ay deg ay nebda nesseqdac assumer-a (proposition).

Adlis-a yeffeγ-d γer teẓrigin (éditions) n Baghdadi, deg Ldzayer.

Tanemmirt

Čč Ḍḍ Ğğ Ḥḥ Γ γ
Ṛ ṛ Ṣ ṣ̣ Ṭ̣ṭ Ẓ ẓ Σ ε

Iles Ilelli

Messages : 11
Date d'inscription : 29/10/2007

Voir le profil de l'utilisateur

Revenir en haut Aller en bas

Voir le sujet précédent Voir le sujet suivant Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum