Iselmaden n tmazight

Voir le sujet précédent Voir le sujet suivant Aller en bas

Iselmaden n tmazight

Message  Iles Ilelli le Lun 29 Oct - 22:14

Sslam n Ṛebbi fell-awen,

Ussan-a, yegget wawal deg yeγmisen (ijeṛnanen) γef yiselmaden n tmaziγt n Tubiret ay ssuffγen seg yimukan-nsen n leqdic. Wa d yiwen seg yimagraden (articles) ay d-yessawlen fell-asen :

http://imedyazen1.tripod.com/id131.html

Yuγ lhal newhem ayγer deg lweqt ay deg la nettxemmim ad tifrir tagut γef tmaziγt, u ad taf amkan-ines deg tmurt-ines, imir-n ara d-tteggten wuguren, imir-n ara d-ttnulfun wuguren imaynuten yerna iqburen-nni mazal la ttkemmilen war (bla) ma yettwaga wacemma akk-n ad frun i lebda.

Seg wasmi ay tekcem tmaziγt γer uγerbaz (llakul) ur terfid tadla tamellalt (ur telli bxir), d wid ay tt-ikeṛhen ay tt-yeskecme, yerna aṭas deg-sen d Imaziγen, u wid-nni ay d-izewwiren γer-s ad as-reglen iberdan, ad as-ssersen isennanen deg webrid u ad tt-hudden. Ttinin-as : Anessis yekka-d seg nnig n lkanun.

Win ay k-ikeṛhen neγ yeḥqer-ik, γas ad ak-d-yefk kra, ad ak-t-id-yefk ixuṣ̣ṣ̣, γas cwiṭ kan, neγ ad ak-yerr deg-s asecci (ssem).

Akk-a, γas εeddan εecṛa n yiseggasen ay-a seg wasmi ay tekcem tmaziγt γer uγerbaz (llakul), γas teqqel tmaziγt d iles aγelnaw (langue nationale), mazal-aγ la nttezzi, nttenneḍ deg wuguren ur nemεin, yerna, γef wakk-n nettwali, mazal ad rnun ad d-nnulfun wuguren, sya ar sdat. Simal rennun ttafken-aγ-d izerfan (lḥuquq) i tmaziγt, simal ara rennun ad aγ-tent-sseεraqen.

Lemmer d lebγi, imi ay teqqel tmaziγt d iles aγelnaw (national), yessefk ad yekcem γer wakk iγerbazen n "wakal aγelnaw", d acu kan, deg lweqt ay deg neḥwaj ad nesεu aṭas n yiselmaden n tmaziγt, deg lweqt ay deg yessefk ad d-nernu iselmaden, nekni imir-n ara nessenqas deg-sen.

Mi ak-fkan taγawsa s ufus ayeffus, ad ak-tt-kksen s ufus azelmaḍ ; mi nga asurif γer sdat, ad neg sin γer deffir.

Asselmed n tmaziγt d netta ay d abrid awḥid ara yejjen Idzayriyen ad msuγalen ed yedles-nsen aγelnaw (culture nationale), dγa yessefk ad yettusselmed yiles-a deg yal taddart n yal taγiwant n yal tawilayt n yal tama deg tmurt-nneγ. Maca, abrid mazal-it γezzif, mazal-it yeccuṛ d isennanen yerna yessawen, u tamaziγt mazal la tetteddu ḥafi u kkren-as-d yexṣ̣imen seg yal tama, ama seg wid ay tt-yugin, ama seg yimawlan-ines ay tt-iḥeqren yerna la tt-ttajjan akk-n ad zuxxen s yilsawen niḍen. A iseεdiyen-is asmi ara tessiweḍ ad d-temneε seg wuguren-a akk war ma yuγ-itt wacemma ...

Ar timlilit ma yebγa Ṛebbi

Čč Ḍḍ Ğğ Ḥḥ Γ γ
Ṛ ṛ Ṣ ṣ̣ Ṭ̣ṭ Ẓ ẓ Σ ε

Iles Ilelli

Messages : 11
Date d'inscription : 29/10/2007

Voir le profil de l'utilisateur

Revenir en haut Aller en bas

Voir le sujet précédent Voir le sujet suivant Revenir en haut


 
Permission de ce forum:
Vous ne pouvez pas répondre aux sujets dans ce forum