Ikatalaniyen ed tespenyulit

Voir le sujet précédent Voir le sujet suivant Aller en bas

Ikatalaniyen ed tespenyulit

Message  Iles Ilelli le Lun 29 Oct - 20:10

Sslam n Ṛebbi fell-awen,

Deg udeg-nneγ (http://imedyazen1.tripod.com/id122.html) γriγ yiwen n umagrad (article) γef temzikkent (foire) n yedlisen n Frankfurt.

Aseggas-a, d Ikatalaniyen ay d inebgawen n yiseγ deg temzikkent-a, d acu kan, tella yiwet n terbaεt n Yikatalaniyen yebγan ad ttekkin kan Yikatalaniyen yettarun s yiles akatalani yerna gguman ad ttekkin deg-s wid yettarun s yiles aspenyuli. D ay-a ay yejjan Ikatalaniyen yettarun s tespenyulit ad γanzun (boycotter) timzikkent n Frankfurt n useggas-a, yerna ula d imura ispenyuliyen niḍen γunzan-tt, ala kra deg-sen.

Nekk yuwey-iyi-d Ṛebbi taεdawt am ta ur yessefk ad tili deg yedles. Ass-a, Ikatalaniyen rran-d aṭas seg yizerfan-nsen (lḥuquq) ay asen-yettwakksen, yerna iles-nsen yerra-d amkan-ines deg tmurt-ines, d acu kan, ass-a, ur yessefk ara ad d-yennulfu umussu (mouvement) ameḍḍarfu ara asen-yemlen i medden, deg Katalunya, anwa ara ilin d Akatalani ed wanwa ur nettili ara d Akatalani, imi tiḍḍurfa (extrémisme), deg yal taγawsa, tessexṣ̣ar ugar n wanect tbennu yerna tessexṣ̣ar s tefses. Yagi yettini-as wanzi γer-neγ : ay tsehleḍ a lexṣ̣ara, ay tweεreḍ a lewqama.

Ma llan kra n Yikatalaniyen yettarun s tespenyulit, yessefk ad ttuqadren, imi d win ay d iles ay fernen ad ttarun yes-s, yerna imi takatalanit tufa izerfan-ines deg tmurt-ines, taspenyulit ur telli d amihi (danger) fell-as. Ttwaliγ ay-n akk-a ay tga terbaεt-a, aggami ay tegguma ad ttekkin yimura yettarun s tespenyulit s yisem n Katalunya, d ay-n ara d-yefken tugna (image) n diri γef Katalunya ed leqdic yettwagayen i lmend n ussider ed wesnerni n yedles-ines.

Tanemmirt

Amagrad-nni atan da :

http://imedyazen1.tripod.com/id122.html

Č č Ḍ ḍ Ğğ Ḥ ḥ Γ γ
Ṛ ṛ Ṣ ṣ̣ Ṭ̣ ṭ Ẓ ẓ Σ ε

Iles Ilelli

Messages : 11
Date d'inscription : 29/10/2007

Voir le profil de l'utilisateur

Revenir en haut Aller en bas

Re: Ikatalaniyen ed tespenyulit

Message  ayirat le Sam 10 Nov - 16:35

Azul fell-awen,

Nek a sen iniγ ayyuz i Yikatalaniyen imi d-wwin izerfan-nsen akken ad debbren γef yiman-nsen di tmurt-nsen, s wakka a temneε tmeslayt-nsen, ma d Amaziγ mazal-it seddaw uzaglu n waεdaw-is ajaddiw a yerna yettaγ-as awal, m'ur ibeddel ara tikli-s d tikti-s Amaziγ ad as-teḍru tin akken yeḍran d Uhendi-Azeggaγ n Marikan.

ayirat

Messages : 5
Date d'inscription : 10/11/2007

Voir le profil de l'utilisateur http://yiwenuyirat.blogspot.com/

Revenir en haut Aller en bas

Voir le sujet précédent Voir le sujet suivant Revenir en haut


 
Permission de ce forum:
Vous ne pouvez pas répondre aux sujets dans ce forum